Magnýs Karlsen shahmattan álem chempıony ataǵyn tórtinshi ret qorǵap shyqty
DÝBAI. QazAqparat – Magnýs Karlsen 11-shi partııada ıAn Nepomnıaşııdi utyp, shahmattan álem chempıony tıtýlyn saqtap qaldy, dep habarlaıdy QazAqparat Euronews aqparat agenttigine silteme jasap.
Juma kúni qara fıgýralarmen oınaǵan norvegııalyq shahmatshy bul jeńisinen keıin matchta 7,5 ball jınap, 3,5 ball jınaǵan reseılik sportshyny jetkizbeı qoıdy.
Bul – 1993 jyly Garrı Kasparovtyń Naıdjel Shortty utqan oıynnan keıin qol jetken eń úlken jeńis.
Álemdik shahmat koronasy úshin match Dýbaı qalasynda 26 qarasha kúni bastalǵan.
Alǵashqy bes partııa teń oıynmen aıaqtalǵan, altynshysynda Karlsen utty. Sondaı-aq, norvegııalyq sportshy Nepomnıaşııdi segizinshi jáne toǵyzynshy partııalarda jeńgen.
«Árıne, jeńildik sezinip otyrmyn. Jaǵdaı bastapqydan-aq tym jaıly bolǵannan keıin úlken qýanysh seziný qıyn, biraq... jalpy alǵanda oıynǵa kóńilim toldy», - dedi shahmattan álem chempıony Magnýs Karlsen.
2013 jyly Vıshvanatan Anandtan tájdi alyp qoıǵan Karlsen shahmattan 16-shy álem chempıony atandy. Sol kezden beri ol óz ataǵyn 4 ret qorǵap shyqqan.
