Magnýs Karlsen rapıdten 4-shi ret álem chempıony atandy

ALAMATY. QazAqparat – Norvegııalyq grossmeıster Magnýs Karlsen Almatyda jedel shahmat boıynsha (rapıd) ótip jatqan 2022 jylǵy álem chempıonatyn jeńip aldy, dep habarlaıdy QazAqparat.

Ol 13 týrdan 10 upaı jınap, taı-breıkke qatyspaı-aq týrnırdiń jeńimpazy atandy.

Karlsen rapıdten ótetin týrnırdi osymen 4-shi ret jeńip alyp otyr.

Ol Almatydaǵy baspasóz máslıhaty barysynda óziniń jarystarǵa qalaı daıyndalatynyn aıtyp bergen edi.

«Mende naqty anyqtalǵan strategııa joq. Men shahmat týraly oılaýdy eshqashan toqtatqan emespin. Bul menimen ómir súretin nárse. Men qalaı oınaımyn, kimmen oınaımyn dep oılaımyn. Ne isteý kerek jáne ne istemeý kerektigi týraly kásipqoılar bólisetin jalpy keńester bar. Shahmat meni ımprovızatsııaǵa jáne oılanýǵa jeteleıdi», - dedi Magnýs Karlsen.

Aldaǵy kúnderi, ıaǵnı 19-30 jeltoqsan aralyǵynda Almatyda shahmattyń blıts túri boıynsha chempıonat ótedi.

Aıta keteıik, 2022 jylǵy álem chempıonatynyń «kúmis» júldesin Dınara Sádýaqasova jeńip alǵan bolatyn.

Shahmattan 2022 jylǵy álem chempıonaty Almatyda 25 jeltoqsan kúni bastaldy.

Jahandyq dodaǵa 50 eldiń úzdik 290 shahmatshysy qatysyp jatyr.

Foto: worldrapidandblitz2022.fide.com