«Magným» saýda úıi qurttaǵan balyqqa qatysty túsinik berdi
ALMATY. QazAqparat - Almaty turǵyny «Magnum» saýda úıinen satyp alynǵan balyqtyń ishinen qurt taýyp alǵan. Bul týraly ol áleýmettik jelidegi paraqshasyna jazǵan, dep habarlaıdy QazAqparat tilshisi.
«Magnum saýda úıinen balyq satyp aldym. Іshinen qurt shyqty. Ókinishke oraı shaǵym kitaby da standartqa saı emes eken. Tirkeý nómiri joq», - dedi tutynýshy.
«Magnum Cash&Carry» kompanııasynyń baspasóz qyzmetinen habarlaǵandaı, saýda úıiniń ákimshiligi tutynýshydan taýardy qaıtyp alyp, aqshasyn qaıtaryp berdi.
«Taýar satylymnan alynyp tastaldy. Qazir atalǵan derekke qatysty saýda úıinde veterınarlyq tekserý júrip jatyr», - dedi kompanııa ókilderi.
Sonymen qatar kompanııa tutynýshyǵa keri baılanys ornatqany úshin alǵys bildirdi. Tirkeý nómiri joq shaǵym kitabyna baılanysty da naqtylaý jumystary júrip jatyr.
Kompanııanyń baspasóz qyzmetiniń habarlaýynsha, tutynýshylarmen keri baılanys ornatýǵa saýda úıinde bar jaǵdaı jasalǵan.
«Saýda úıinde «Halyq baqylaýy» aktsııasy jumys jasaıdy. ıAǵnı, barlyq jerde qajetti telefon nómirleri kórsetilgen. Tutynýshylar tikeleı dırektormen sóılese alady. Baqylaý tarazylary ornatylǵan. Satyp alýshy alǵan taýarynyń salmaǵyn teksere alady. ıAǵnı, tutynýshylarmen keri baılanys bar», - dedi baspasóz qyzmetinen.
Al qalalyq Qoǵam densaýlyǵyn qorǵaý departamentiniń mamandary parazıttik qurttar adam densaýlyǵyna qandaı zııan keltiretinin aıtyp berdi.
«Parazıttik aýrýlar adamda túrli sımptomdarmen kórinis beredi. Máselen, ish aýrýy, allergııa, bas aýrýy sııaqty belgiler paıda bolýy múmkin. Parazıt aýrýlaryn der kezinde anyqtamasa, ol adam densaýlyǵyna óte úlken qaýip tóndiredi», - dedi Departamenttiń taǵam nysandaryn sanıtarlyq-gıgıenalyq qadaǵalaý bóliminiń bas mamany Gúlnar Madımarova.
Onyń aıtýynsha, quqyǵy buzylǵan tutynýshy, eń aldymen aımaqtyq bólimge chek, sýret nemese vıdeomaterıalmen baryp aryzdanýy kerek.
«Aryz negizinde nysanǵa tekserý ashylady. Tekserý aıasynda zerthanalyq jumys júrgiziledi. Eger, saraptama rastalsa, onda ónim qaı ýaqytta, qalaı buzylǵany anyqtalady. Eger ónim saýda sórelerine túspeı turyp buzylǵan bolsa, onda óndirýshige qatysty tekseris bastalady. Sol jumystardyń nátıjesinde tutynýshyǵa jaýap jazylady», - dedi Gúlnar Madımarova.
