«Magnum» saýda kesheninde adamdardyń qaýipsizdigi úshin barlyq sharalar qoldanylady - A Garber
ASTANA. 7 naýryz. QazAqparat - Keshe Astana qalasy ákiminiń orynbasary Vasılıı Krylov «TK «Magnum» Cash&Carry» JShS bas dırektory Aleksandr Garbermen kezdesip, «Magnum» saýda kesheninde bolǵan tótenshe jaǵdaı faktisi boıynsha jalpy naqty jumystar júrgizý týraly sheshim qabyldady.
Bul týraly elorlanyń resmı saıty habarlady.
Eske salaıyq, bıylǵy jyldyń úshinshi naýryzy kúni qardyń ýaqytynda tazalanbaı aýqymdy jınalyp qalýynan saýda kesheniniń tóbesi ortasyna túsken bolatyn. Qazir arnaıy komıssııa oqıǵanyń qaıtalanbaýy úshin kúsheıtilgen tártipte jumys júrgizip jatyr.
«Magnum» Cash&Carry» kompanııasy basshylyǵy atap kórsetkenindeı, tóbeniń qulaýynyń negizgi sebebi, qardyń kóp jaýyp jáne muz qatyp, metall qurylymǵa barynsha salmaq kóp túsýinen bolǵandyǵy anyqtaldy. Saýda kesheni paıdalanýǵa beriler aldynda tıisti tehnıkalyq talaptaǵa sáıkes tekserýden ótken. Qazirgi ýaqytta bolǵan jaǵdaıǵa baılanysty taldaý, saraptaý jumystary júrgizilip, keshendi túrde uıymdastyrý-tehnıkalyq is-sharalary ázirlenýde. Munyń ózi «Magnum Cash&Carry» saýda kesheninde jumys isteıtin adamdardyń qaýipsizdigin qamtamasyz etýge múmkindik týǵyzady. Kompanııa basshylyǵy tótenshe jaǵdaıdyń zardaptaryn joıýǵa, aldaǵy ýaqytta ony boldyrmaý úshin tıisti is-sharalar qabyldaýda.
«Ótken kúnderi turaqty klıentterimiz dúkenniń jabylǵanyna alańdaýshylyq bildirip telefon qońyraýlaryn shaldy. Biz dúkendi tez arada qalpyna keltirýge tyrysamyz, sonan soń klıentterimizdi qaıta kútemiz», - deıdi «Magnum» Cash&Carry» SK» JShS-niń bas dırektory Aleksandr Garber.
Búgin jetinshi naýryzda Astana qalasy ákiminiń orynbasary Vasılıı Krylovtyń basshylyǵymen «Magnum» saýda kesheni shatyrynyń qıraýyna baılanysty TJ jónindegi vedomstvoaralyq komıssııasynyń otyrysy ótedi.
