«Magným» salmaǵy jetispegen shujyqqa qatysty túsinik berdi
ALMATY. QazAqparat - «Magnum» dúkender jelisiniń ókilderi tarazyda salmaǵy jetispegen shujyqqa qatysty túsinikteme berdi, dep habarlaıdy QazAqparat tilshisi.
«Magnum Cash&Carry» JShS jarnama boıynsha ókili Roza Agafonovanyń aıtýynsha, oqıǵa Almatyda bolǵan.
Atalǵan oqıǵaǵa qatysty saýda ortalyǵynyń basshylyǵy ishki tekserý júrgizdi.
"Bul ónimdi shyǵarǵan "Ańsar Halal" JShS bizdiń saýalǵa bergen jaýabynda ár shujyqtyń salmaǵy 650 gramm («+-10 gramm») bolatynyn aıtty. Sondyqtan markerleý bastapqy salmaǵyna səıkes. Shujyq satylǵansha keýip ketedi. Alaıda tabıǵı kebý mólsheri 2.25%-dan aspaýy kerek. Atalǵan jaǵdaıda óndiris tehnologııasyndaǵy aýytqý saldarynan ónim jyldam keýip ketken. Saýda ornynda mundaı jaǵdaı birinshi ret bolyp otyr. Sol sebepti de taýar óndirýshimen kezdesip, markerleýdiń ishki standarttaryn ózgerttik",- dedi Roza Agafonova.
Osyǵan deıin kompanııada markerleý aptasyna 1 ret júrgizilip kelgen. Budan bylaı markerleý ər eki kún saıyn ótkizilmek.
Sonymen qatar, klıentter ónimdi ózderi ólshep alatyn bolady.
"Satyp alýshylardan keshirim suraımyz. «Magnum Cash&Carry» JShS óziniń bedeline daq túskenin qalamaıdy", - dedi Roza Agafonova.
Aıta keteıik, «Magným» sýpermarketinen markerlengen (salmaǵy jáne baǵasy kórsetilgen) shujyq satyp alǵan er adam, ony tarazyǵa ólshep kórmek bolady. Shujyqtyń 150 gramm salmaǵy jetpeıtinin anyqtaǵan ol vıdeo jazyp, ony jelige taratqan.
