Magnıtogorskide úıdiń opyrylýy saldarynan qaza tapqandar sany 37-ge jetti
ASTANA. QazAqparat - RF Magnıtogorsk qalasyndaǵy úıdiń kireberisiniń opyrylýy saldarynan qaza tapqandar sany 37 adamǵa jetti, dep habarlaıdy TASS Reseı TJM baspasóz qyzmetine silteme jasap.
«Úıindiniń astynan shyǵarylǵan sońǵy adamnyń jynysy anyqtalmady», - dedi vedomstvo ókili.
Taǵy tórt adamnyń taǵdyry belgisiz.
Apat ornynda úıindiniń asty tórt táýlik boıy tekserilip jatyr.
31 jeltoqsan kúni tańerteń Magnıtogorskide turǵyn úıdiń kireberisteriniń birinde shatyr arqalyǵy opyrylyp túsken. RF tergeý komıteti oqıǵaǵa turmystyq gazdyń jarylýy sebep bolýy múmkin degen boljam jasap otyr.
