Magnıtogorskide opat bolǵandardyń sany 33-ke jetti
MAGNITORGSK. QazAqparat -Magnıtogorskide turǵyn úıdegi jarylys saldarynan qurban bolǵandar sany 33 adamǵa jetti. Bul týraly Reseı TJM baspasóz qyzmeti málim etti, dep habarlaıdy TASS.
«Qutqarýshylar 33-inshi adamnyń denesin alyp shyqty»,-dedi TJM ókili. Buǵan deıin qırandylardyń astynan áıel men onyń eki balasynyń máıiti shyǵarylǵan edi.
Sońǵy derekterge qaraǵanda, qaıǵyly jaǵdaı saldarynan alty bala kóz jumǵan. Úıindilerdi qazý jumystary júrip jatyr. Toǵyz adamnyń taǵdyry belgisiz.
Eske sala ketsek, 31 jeltoqsan kúni Magnıtogorskide toǵyz qabatty úılerdiń biriniń kireberisiniń jabyny opyryla qulaǵan edi. RF Tergeý komıtetiniń boljamynsha, oqys oqıǵaǵa turmystyq gazdyń jarylýy sebep bolǵan.
Qutqarýshylar táýlik boıy úıindilerdi arshyp jatyr. Qaaıǵyly oqıǵa ornynda "Tsentrospas" jáne "Lıder" qutqarýshy jasaqtary jumys isteýde. Sondaı-aq Reseı TJM Oral oqý-qutqarý ortalyǵy, órtten qutqarý garnızondary, aeromıldik toptar tartylǵan.
