Magnıtogorskide qaza tapqandar sany 24-ke jetti
MAGNITOGORSK. QazAqparat - Magnıtogorskidegi turǵyn úıdegi jarylys saldarynan mert bolǵandar sany 24 adamǵa jetti. Bul týraly sársenbi kúni Reseı TJM baspasóz qyzmeti málim etti, dep habarlaıdy TASS.
«Qırandylardyń astynan 24 adamnyń denesi shyǵaryldy. Taǵy 17 adamdy izdeý jumystary jalǵasyp jatyr»,-dedi TJM ókili. Onyń aıtýynsha, kóz jumǵandardyń ekeýi bala.
Esterińizge salsaq, Magnıtogorskide jeltoqsannyń 31-inde tańǵy saǵat 4-tiń shamasynda 9 qabatty úıde turmystyq gaz jaryldy.
Saldarynan 26 páterlik tutas bir podezd opyrylyp ortasyna tústi.
Atalǵan páterlerde 46 adam turǵan. Osy is boıynsha tergeý amaldary júrgizilýde.
Aldyn ala boljamǵa sáıkes, turmystyq gazdy qoldanýda saqtyq erejesi óreskel buzylǵan.
