Magnıt daýyly Belarýste Soltústik shuǵylasy sáýlesin shashty
ASTANA. 8 tamyz. QazAqparat - 8 tamyzǵa qaraǵan túnde Belarýs Respýblıkasynda tótenshe sırek kezdesetin jaǵdaı baıqaldy - soltústik shuǵyla shashyldy, dep habarlaıdy «Qazgıdromet» RMK belarýstyń «Nasha niva» gazetine silteme jasap.
Jaqyn arada bolǵan Kún kózindegi kúshti jarq etý, zarıadtalǵan bólshekter aǵynynyń paıda bolýyna ákep soqty, olar biraz ýaqyttan keıin Jerge jetip, atmosferanyń betki qabaty - ıonosferamen soǵylysty. Atmosferanyń atomdary ıondarǵa bólinip, qaıta birikti (bul protsess rekombınatsııa dep atalady), ártúrli tústi sáýle taratty, dep jazdy "Nasha niva".
Soltústik shuǵyla - soltústik beldeýdegi turǵyndar úshin jıi kezdesetin qubylys, al mundaıdy Belarýste kórý úshin, shyn máninde Kún kózinen shyqqan jarq etýden keıingi bolatyn kúshti magnıttik daýyl qajet.
Bundaı qubylys birneshe jylda bir ret bolady, sondyqtan aspannyń soltústik baýraıynda túngi jarqyraýdy kórý - rasynda da sırek sáttilik.
