Magıstratýranyń konkýrstyq irikteý qorytyndysy 24 tamyz kúni jarııalanady – mınıstr

Onyń aıtýynsha, komıssııa quramynda mınıstrliktiń, múddeli memlekettik organdardyń, bilim salasy kásipodaqtarynyń, QR Ulttyq kásipkerler palatasynyń jáne qoǵamdyq uıymdardyń ókilderi jumys istedi.

-Otyrys barysynda úmitkerlerdiń ótinishteri qaralyp, memlekettik bilim berý granttaryn taǵaıyndaý qoldanystaǵy qaǵıdalarǵa sáıkes konkýrstyq negizde júrgizildi. Komıssııa múshelerine jaýapty ári muqııat jumysy úshin alǵysymdy bildiremin,-dedi ol.

Sondaı-aq mınıstrdiń aıtýynsha, bıyl magıstratýra granttarynyń konkýrsyna qatysý úshin 23 myńǵa jýyq ótinish qabyldandy. Bul ótken jylmen salystyrǵanda 3 myńǵa artyq. Úmitkerler arasynda «Pedagogıkalyq ǵylymdar», «Aqparattyq-kommýnıkatsııalyq tehnologııalar», sondaı-aq «Injenerlik, óńdeý jáne qurylys salalary» bilim berý baǵyttaryna suranys joǵary boldy.

Konkýrstyq irikteý qorytyndysy 24 tamyz kúni saǵat 15:00-de kelesi resmı aqparattyq resýrstarda jarııalanady. Qurmetti bolashaq magıstranttar! Barshańyzǵa sáttilik tileımin! Bilim jolyndaǵy eńbekterińiz jemisti bolyp, aldaǵy oqý jyly jańa akademııalyq jáne kásibı múmkindikterge bastasyn,-dep jazdy mınıstr.

Konkýrstyq irikteý qorytyndysy jarııalanatyn aqparattyq resýrstar tizimi:

QR Ǵylym jáne joǵary bilim mınıstriniń resmı paraqshalary:
• Telegram: https://t.me/SayasatNurbekOfficial
• Facebook: https://www.facebook.com/sayasat
• Instagram: https://www.instagram.com/sayasatnurbek/

QR Ǵylym jáne joǵary bilim mınıstrliginiń resmı aqparattyq resýrstary:
• https://www.gov.kz/memleket/entities/sci?lang=kk
• Telegram: https://t.me/gylym_jogary_bilim
• Facebook: https://www.facebook.com/gylym.jogarybilim
• Instagram: https://www.instagram.com/gylym_jogarybilim/

Osyǵan deıin stýdentterdiń, magıstranttardyń jáne doktoranttardyń stıpendııasy 1 qyrkúıekten bastap kóbeıetini týraly jazdyq.