Magıstratýraǵa túsýge arnalǵan keshendi testileýdiń qorytyndycy shyqty
ASTANA.KAZINFORM - Ǵylym jáne joǵary bilim mınıstrligi málimetinshe, 58 myńǵa jýyq adam magıstratýraǵa túsý úshin keshendi testileý tapsyrdy. Ǵylymı-pedagogıkalyq baǵyt boıynsha ortasha kórsetkish 77 ball, beıindi baǵyt boıynsha 24 ball boldy. Eń joǵary ball – 139.
Testileý barysynda 94 qatysýshynyń nátıjesi joıyldy. Onyń ishinde 69 oqýǵa túsýshi smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy. Keshendi testileý kezinde erejelerdi buzǵany úshin aýdıtorııadan 25 adam shyǵarylyp, olardyń nátıjesi joıyldy.
Ǵylymı-pedagogıkalyq baǵyt boıynsha magıstratýraǵa túsý úshin keminde 75 ball, beıindik baǵyt boıynsha keminde 30 ball jınaý qajet.
Grant konkýrsyna qujattardy qabyldaý 12-18 tamyz aralyǵynda júzege asyrylady, al grant ıegerleriniń tizimi 25 tamyzǵa deıin jarııalanady. Bolashaq magıstranttardyń JJOKBU-ǵa qabyldanýy 28 tamyzǵa deıin aıaqtalady.
Konkýrsqa qatysý úshin kelesi qujattardy tapsyrý qajet: jeke kýáliktiń kóshirmesi, joǵary bilimi týraly qujat (dıplom jáne qosymshasy), KT sertıfıkaty jáne shet tilin meńgergendigin rastaıtyn halyqaralyq sertıfıkattar (bar bolǵan jaǵdaıda).
Qujattardy tapsyrý kezinde oqýǵa túsýshi bilim berý baǵdarlamalarynyń bir tobyn jáne úsh joǵary oqý ornyn kórsete alady.
Magıstratýraǵa túsýge arnalǵan keshendi testileýdiń aralyq qorytyndycy jarııalanǵanyn jazǵan edik.
