Magıstratýraǵa túsýge arnalǵan keshendi testileýdiń aralyq nátıjesi jarııalandy

ASTANA. KAZINFORM — Búgingi kúnge deıin magıstratýraǵa túsýge arnalǵan keshendi testileýdi (KT) 39 myńnan astam úmitker tapsyrdy. Bul týraly Ulttyq testileý ortalyǵy habarlady.

Aralyq qorytyndy boıynsha:

• Ǵylymı-pedagogıkalyq baǵyt boıynsha túsýshilerdiń 52%-y, beıindi baǵyt boıynsha 21%-y shekti ball jınaǵan;
• Ǵylymı-pedagogıkalyq baǵyttaǵy ortasha ball — 78, al beıindi baǵytta — 23 ball;
• Eń joǵary nátıje — 139 ball.

Sonymen qatar, testileý barysynda tártip buzǵany úshin 99 adamnyń nátıjesi joıyldy. Atap aıtqanda:

• Tyıym salynǵan zattardy alyp ótpek bolǵan 67 úmitker test tapsyrý quqyǵynan aıyryldy;
• Testileý kezinde tyıym salynǵan zattardy paıdalanǵany úshin 31 adam aýdıtorııadan shyǵaryldy;
• 1 bógde tulǵanyń qatysqany anyqtaldy.

Eske salaıyq, magıstratýraǵa qabyldaýǵa arnalǵan keshendi testileý 21 shildede bastalǵan jáne 7 tamyzǵa deıin jalǵasady.

• Grant konkýrsyna qujattardy qabyldaý 12–18 tamyz aralyǵynda júzege asyrylady.
• Grant ıegerleriniń tizimi 25 tamyzǵa deıin jarııalanbaq.
• Bolashaq magıstranttardy joǵary oqý oryndaryna qabyldaý 28 tamyzǵa deıin aıaqtalady.

Aıta keteıik, magıstratýraǵa túsýshilerge arnalǵan kúntizbe jarııalandy.