Magıstratýraǵa túsý úshin keshendi testileýge 61 myńnan astam ótinish qabyldandy
ASTANA. KAZINFORM – Bıyl magıstratýraǵa túsýge arnalǵan keshendi testileýge qatysý úshin 61 myńnan astam ótinish tústi, dep habarlaıdy Ulttyq testileý ortalyǵy.
Salystyrmaly túrde, 2025 jyly keshendi testileýge qatysýǵa 51 myńnan astam adam ótinish bergen.
Ulttyq testileý ortalyǵynyń málimetinshe, talapkerler arasynda eń kóp tańdalǵan bilim berý baǵyttary – pedagogıkalyq ǵylymdar, ınjenerlik, óńdeý jáne qurylys salalary, sondaı-aq bıznes, basqarý jáne quqyq baǵyttary.
– Daıarlaý baǵytyn (beıindi jáne ǵylymı-pedagogıkalyq) jáne testileý tilin keshendi testileý bastalǵanǵa deıin jeke kabınette ózgertýge bolady, – dep habarlady ortalyq.
Keshendi testileýdiń kúni, orny men ýaqyty týraly aqparat 14 shilde kúni túsýshiniń jeke kabınetinde jarııalanady.
Aıta keteıik, Qazaqstan men Vengrııa qos dıplomdy magıstratýra baǵdarlamasyn iske qosty.
