Magıstratýraǵa túsý úshin 25 myńnan astam talapker test tapsyrdy
ASTANA. KAZINFORM- Testileý bastalǵaly 25 myńnan astam adam magıstratýraǵa túsý úshin keshendi test tapsyrdy. Ǵylymı-pedagogıkalyq baǵyt boıynsha túsýshilerdiń 46%-y, beıindi baǵyt boıynsha 27%-y shekti ball jınady.
QR Ǵylym jáne joǵary bilim mınıstrligi baspasóz qyzmetiniń habarlaýynsha, ǵylymı-pedagogıkalyq baǵyt boıynsha ortasha kórsetkish 76 ball, beıindi baǵyt boıynsha 25 ball boldy. Eń joǵary ball – 134.
-Testileý bastalǵaly 41 qatysýshynyń nátıjesi joıyldy. Onyń ishinde 31 oqýǵa túsýshi smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy. Keshendi testileý kezinde erejelerdi buzǵany úshin aýdıtorııadan 10 adam shyǵarylyp, olardyń nátıjeleri joıyldy,-delingen habarlamada.
Testileý nátıjelerimen kelispegen jaǵdaıda onlaın-apellıatsııa berýge bolady. Test tapsyrýshy emtıhan aıaqtalǵannan keıin 30 mınýt ishinde apellıatsııaǵa ótinish bere alady. Apellıatsııa 7 jumys kúni ishinde qarastyrylady, odan soń sertıfıkat oqýǵa túsýshiniń Jeke kabınetinde qoljetimdi bolady.
Ǵylymı-pedagogıkalyq baǵyt boıynsha magıstratýraǵa túsý úshin keminde 75 ball, beıindik baǵyt boıynsha keminde 30 ball jınaý qajet.
Esterińizge sala ketsek, magıstratýraǵa túsýge arnalǵan keshendi testileýge 61 myńnan astam ótinish kelip tústi. Magıstratýrada oqýǵa 11 myńǵa jýyq grant bólindi.
Osyǵan deıin Qazaqstanda magıstratýraǵa túsýge arnalǵan keshendi testileý bastalǵany týraly jazdyq.
