Magıstratýra men doktorantýraǵa qujattardy Egov portalynda onlaın ótkizýge bolady
26 jeltoqsannan bastap 2024 jylǵy 10 qańtarǵa deıin eGov.kz portaly arqyly joǵary oqý ornynan keıingi bilim uıymdaryna grant ıegerleri de, aqyly oqyǵysy keletinder de qujattardy elektrondy túrde tapsyra alady, dep habarlaıdy Kazinform.
Ótinim berý úshin eGov.kz portalynda avtorlaný qajet.
— «Azamattarǵa» — «Bilim» — «Joǵary oqý ornynan keıingi bilim» bólimine ótińiz;
— «Joǵary oqý ornynan keıingi bilim baǵdarlamasy boıynsha oqytý úshin joǵary jáne (nemese) joǵary oqý ornynan keıingi bilim berý uıymdaryna qujat qabyldaý jáne oqýǵa qabyldaý» qyzmetin tańdańyz.
Qajetti qujattar tizimi:
- joǵary bilim týraly qujattyń nemese ınternatýrany bitirý týraly kýáliktiń skanerlengen kóshirmesi (rezıdentýraǵa túsý úshin);
- baǵdarlama boıynsha (TOEFL, IELTS, DSH, DALF, TCF) shetel (aǵylshyn, frantsýz, nemis) tili boıynsha sertıfıkattyń skanerlengen kóshirmesi (bar bolsa);
- eńbek qyzmetin rastaıtyn qujattyń skanerlengen kóshirmesi (eńbek ótili bar tulǵalar úshin);
- 3×4 sm bolatyn tsıfrlyq foto;
- 075/ý nysany boıynsha elektrondy formattaǵy medıtsınalyq anyqtama.
Qyzmet tegin usynylady jáne ony joǵary jáne joǵary oqý ornynan keıingi bilim berý uıymy óńdeıdi.
Sondaı-aq, joǵary oqý oryndarynyń qabyldaý komıssııasy arqyly qujattardy qolma qol tapsyrýǵa bolady.
