Magıstratýra emtıhanynda 4 talapker óziniń ornyna basqa adamdy kirgizbek bolǵan
Magıstratýraǵa túsýge arnalǵan keshendi testileýge 46 myńnan astam ótinish kelip tústi, bul ótken jylmen salystyrǵanda 6 myńǵa kóp. Magıstratýrada oqýǵa 13 myńnan astam grant bólindi.
Bıyl magıstratýraǵa túsýge arnalǵan keshendi testileý 20 shildede bastaldy jáne 10 tamyzǵa deıin jalǵasady.
Testileýge qatysýǵa nıet bildirýshilerdi tirkeý 10 maýsym men 15 shilde aralyǵynda QR ǴJB Ulttyq testileý ortalyǵynyń saıtynda app.testcenter.kz júrgizilgen bolatyn.
Testileýdiń birinshi aptasynda 89 talapker smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyryldy.
KT kezinde ereje buzǵany úshin aýdıtorııadan 61 adam shyǵarylyp, olardyń nátıjesi joıyldy.
Ulttyq biryńǵa testileýge kirgizý sekildi, KT-ǵa kirgizý úsh deńgeıli júıe boıynsha júzege asyrylady: Face ID jeke basyn sáıkestendirý arqyly, jeke kýálik boıynsha, sondaı-aq otyrǵyzý ornynda jeke basyn sáıkestendirý júrgiziledi.
Qabyldanǵan is-sharalar arqasynda testileýge kirgizý kezinde 4 bógde tulǵa anyqtaldy.
ıAǵnı, qatysýshylar ózderiniń ornyna basqa adamdy jiberip, testileýden ótpek bolǵan. Tıisti sharalar qabyldandy.
- Magıstratýraǵa túsýge arnalǵan keshendi testileýdi ótkizýdiń birinshi aptasy aıaqtaldy. Bolashaq magıstranttardy testileý erejelerin saqtap, akademııalyq adaldyq qaǵıdalaryn ustanýǵa shaqyramyn. Face ID sáıkestendirý júıesiniń kómegimen biz basqa adamdar úshin testileýdi tapsyrýǵa tyrysqan 4 bógde tulǵany anyqtadyq. Sonymen qatar postproktorıng qorytyndysy boıynsha biz 3 adamnyń nátıjesin joıdyq. Olar emtıhan materıaldaryn sýretke túsirip, aýdıtorııadan alyp shyǵýǵa tyrysqan, – dedi Ulttyq testileý ortalyǵynyń dırektory Rýslan Emelbaev.
Ulttyq testileý ortalyǵynyń dırektory atap ótkendeı, bógde tulǵalar týraly aqparat ókiletti organdarǵa berildi.
Bıyl magıstratýraǵa túsý erejeleri ózgergen joq.
Emtıhan úsh bloktan turady: shet tili boıynsha test, oqýǵa daıyndyǵyn anyqtaýǵa arnalǵan test jáne bilim berý baǵdarlamalary tobynyń beıini boıynsha test.
Shet tilin meńgergenin rastaıtyn halyqaralyq sertıfıkattardyń biri bar oqýǵa túsýshiler shet tili boıynsha testen bosatylady.
Testileý nátıjelerimen kelispegen jaǵdaıda onlaın-apellıatsııaǵa berý múmkindigi qamtamasyz etilgen. Testileý aıaqtalǵannan keıin 30 mınýt ishinde oqýǵa túsýshi birden apellıatsııaǵa ótinish bere alady.
Apellıatsııa bes kún ishinde qaralady. Testileý sertıfıkaty oqýǵa túsýshiniń jeke kabınetinde qoljetimdi bolady.
Bıyl shekti baldar ózgerissiz qaldy: ǵylymı-pedagogıkalyq baǵyt boıynsha magıstratýraǵa túsý úshin 75 ball, beıindik baǵyt boıynsha 50 ball jınaý qajet.
