Magıstraldy jáne stansalyq joldardyń qaýipsizdigi qaraldy - Kólik jáne kommýnıkatsııa mınıstrligi
TANA. 20 qazan. QazAqparat - QR Kólik jáne kommýnıkatsııa vıtse-mınıstri Asylbek Dúısebaev magıstraldy jáne stansalyq joldardyń qaýipsizdigi máselesi boıynsha «Qazaqstan temir joly» UK» AQ ókilderiniń qatysýymen keńes ótkizdi,
dep habarlady vedomstvonyń baspasóz qyzmetinen.
Aǵymdaǵy jylǵy 9 aıda Kóliktik baqylaý komıteti temir jol kóligindegi qaýipsizdikti qamtamasyz etý maqsatynda 140-tan asa arnaıy jyljymaly quramdy jáne stansalarda anyqtalǵan buzýshylyqtardy joıǵanǵa deıin shamamen 460 jol burýshy baǵdardy paıdalanýdy toqtatty. Sonymen qatar 6 mln. teńgeden asa somaǵa aıyppul óndirdi.
Keńes barysynda, jol sharýashylyǵynda qozǵalys qaýipsizdigin qamtamasyz etýdi uıymdastyrýda jol qashyqtyǵy qyzmetkerleriniń salǵyrttyǵynan buzýshylyqtar, atap aıtqanda, joldardyń joǵarǵy qurylymyn jetkiliksiz ustaǵan jáne basshylar laýazymdyq normatıvterdi oryndamaǵan, sondaı-aq, aqaýlyqtardy sapaly joıý jáne ýaqytyly anyqtaýǵa baǵyttalǵan normatıvti qujattardy tıisinshe oryndamaýy syndy máseleler talqylandy.
Keńestiń qorytyndysy boıynsha, vıtse-mınıstr «Qazaqstan temir joly» UK» AQ-na joldardyń joǵary qurylymyn ustap turýdy uıymdastyrý kezinde jiberilgen kemshilikterdi joıýdy, osy máselege qatysty laýazymdy tulǵalardyń jaýapkershiligin qaraýdy tapsyrdy.
