Magıstraldaǵy apat saldarynan Qaraǵandyda birqatar kósheler aýyzsýsyz qaldy

QARAǴANDY. QazAqparat - Qaraǵandyda magıstraldyq sý taratqyshynda apat boldy, saldarynan birqatar kósheler aýyzsýsyz qaldy. Bul týraly «Qaraǵandy Sý» JShS baspasóz qyzmetinen habarlady.

«24 qyrkúıekte tańerteń Ermekov kóshesinde dıametri 300 mm  magıstraldyq sý taratqyshynda apat boldy. Ortalyq sýmen jabdyqtaý tsehy 7.30-da apatty joıýǵa kiristi», - dep habarlady kásiporynnyń baspasóz qyzmeti.

Apat saldarynan Pıchýgı, Passajırskıı, Ermekov, Núrken Ábdirov, Erýbaev, Komıssarov kósheleri, Buqar Jyraý dańǵylyndaǵy  80-nen astam kóp qabatty úıler men jeke úıler sýyq sýsyz qaldy.

Qazirgi ýaqytta apatty joıý jumystary jalǵasýda. Tutynýshylarǵa sýyq sýdy keshke deıin kúte turýǵa týra keledi.