Magdebýrgtegi qandy oqıǵaǵa qatysty sot úshin 1,7 mln eýroǵa ǵımarat jalǵa alynady

ASTANA. KAZINFORM – Germanııanyń Saksonııa-Anhalt jergilikti bıligi Magdebýrgtegi rojdestvolyq jármeńkede bolǵan qandy oqıǵaǵa qatysty sotty ótkizý úshin arnaıy ǵımaratty jalǵa almaq. Bul maqsatqa shamamen 1,7 mln eýro bólinedi, dep habarlaıdy DW.

Alaıda bul túpkilikti soma emes. Shyǵyndar sot protsesiniń uzaqtyǵyna jáne ǵımaratty qaıta josparlaý qajettigine baılanysty ózgerýi múmkin. Bılik ókilderi mundaı sheshimdi istiń aýqymymen jáne qatysýshylardyń buryn-sońdy bolmaǵan kóptigimen túsindirdi.

Sot otyrystary úshin jalpy aýmaǵy 2000 sharshy metr bolatyn, 700 adamǵa laıyqtalǵan jáne qaýipsizdik talaptarynyń eń joǵarǵy deńgeıine sáıkes jabdyqtalatyn zal daıyndalýda.

Saksonııa-Anhalt parlamentindegi Solshyl partııa ókilderi bul sheshimdi synǵa aldy.

«Azamattar mundaı shyǵyndarǵa narazy, óıtkeni jańa ǵımarattyń ne úshin qajet ekenin túsinbeı otyr», – dedi partııa ókilderi.

Al jergilikti Ádilet mınıstrligi bul Germanııa tarıhyndaǵy eń aýqymdy qylmystyq isterdiń biri ekenin atap ótti.

Eske sala keteıik, 2024 jylǵy 20 jeltoqsanda Magdebýrg qalasynda 50 jastaǵy Saýd Arabııasynan shyqqan dáriger Taleb A. avtokóligin jármeńke alańyndaǵy jurtqa qaraı aıdaǵan. Saldarynan alty adam qaza taýyp, 324 adam jaraqat alǵan.

Tergeý qylmysty terrorıstik áreket retinde qarastyrmaı otyr. Taleb A. Germanııada 2006 jyldan beri turady. Tıýrıngııa jeriniń Konstıtýtsııany qorǵaý basqarmasy onyń sońǵy jyldary radıkaldana túskenin jáne ońshyl ekstremıstik toptarmen baılanysy bolǵanyn málimdedi.

Qazirgi ýaqytta sot protsesiniń naqty kúni belgilengen joq.