Maǵaýınniń shyǵarmasy jelisimen túsiriletin fılmge stsenarıı iriktelip jatyr

ASTANA. KAZINFORM — Belgili jazýshy Muhtar Maǵaýınniń «Tazynyń ólimi» atty áńgimesiniń jelisimen kórkem fılm túsirý úshin stsenarıı irikteý jumystary júrip jatyr.

Bul týraly Premer-mınıstr Oljas Bektenovtiń Senat depýtatynyń saýalyna joldaǵan jaýapta aıtylǵan.

— Muhtar Maǵaýınniń «Tazynyń ólimi» shyǵarmasy negizinde kórkem fılm túsirý máselesi boıynsha qazirgi ýaqytta qolaıly stsenarıılerdi irikteý jumystary júrgizilip jatqanyn atap ótemiz, — dep jazylǵan jaýapta.

Sondaı-aq jaýapta tazy men tóbet kúnin belgileý usynysy da kún tártibindegi másele ekeni aıtylǵan.

— Bul másele boıynsha qoǵamdyq uıymdar men kınologtar, tazy men tóbet selektsıonerleri 3 qyrkúıekti osyndaı kún retinde belgileý múmkindikterin talqylanǵanyn habarlaımyz. Bul osy kúni qazaqy ıt tuqymynyń halyqaralyq deńgeıde alǵash tirkelýine, sondaı-aq «qazaq tazysynyń» aldyn ala resmı halyqaralyq deńgeıde tanylýyna baılanysty, — dep jazady Oljas Bektenov.

Eske salsaq, belgili jazýshy Muhtar Maǵaýın bıyl qańtar aıynda dúnıeden ozǵan edi.