MAGATE-niń tómen baıytylǵan ýran banki barynsha qaýipsiz bolady - T.Výd
ASTANA. QazAqparat - MAGATE-niń tómen baıytylǵan ýran banki barynsha qaýipsiz bolady. Bul týraly búgin MAGATE ókili, Qazaqstanda tómen baıytylǵan ýran bankin qurý jobasynyń jetekshisi Terrı Výd málim etti.
«Biz Qazaqstandaǵy áriptesterimizben birlesip, atalǵan mekeme jumys isteýi úshin qajetti sharalardy aıqyndaý baǵytyndaǵy sharalardy atqarýdamyz. ıAǵnı, barlyq protsedýralar MAGATE-niń qaýipsizdik standarttaryna saı bolýy tıis. Bizdiń boljamymyzsha, barlyq qajetti sharalardy júzege asyrýǵa, bankti daıyndaýǵa shamamen 2 jyl ýaqyt ketedi. Menińshe, kelisimge qol qoıylǵan sátten bastap, shamamen 2 jyl qajet», - dedi T.Výd BAQ ókilderiniń saýalyna oraı.
Onyń atap ótýinshe, atalǵan kelisim qazirgi ýaqytta bekitilgen. «Biz qujatqa taıaý aralyqta qol qoıylady dep kútip otyrmyz. Degenmen, naqty datasyna qatysty saýal Qazaqstandyǵy áriptesterimizge qoıylýy kerek», - dedi ol.
T.Výdtyń atap ótýinshe, tómen baıytylǵan ýran banki barynsha qaýipsiz bolady.
«MAGATE nelikten Qazaqstandy tańdady degen saýalǵa keler bolsaq, eń birinshiden, Qazaqstan óz aýmaǵynda MAGATE-nyń tómen baıytylǵan ýran bankin ornalastyrý týraly usynys jasady. Ekinshiden, sizderdiń elderińizde ıadrolyq materıaldardy qaýipsiz saqtaýda tájirıbe bar. Úlbi metallýrgııalyq zaýyty 60 jyldyq tájirıbege ıe. Buǵan qosa, sizderde MAGATE bankin ornalastyrýǵa qajetti barlyq ınfraqurylym bar. Qazaqstan tómen baıytylǵan ýrandy saqtaýǵa qajetti barlyq qajetti jaǵdaıǵa ıe», - dedi Qazaqstanda tómen baıytylǵan ýran bankin qurý jobasynyń jetekshisi.
