MAGATE-niń bas dırektory Tómen baıytylǵan ýran banki úshin Qazaqstanǵa alǵysyn aıtty
ASTANA. QazAqparat - MAGATE-niń bas dırektory ıÝkııa Amano Tómen baıytylǵan ýran bankin ornalastyrýǵa kelisim bergen Qazaqstanǵa alǵysyn aıtty, dep habarlaıdy QazAqparat.
«Osy aıtýly oqıǵaǵa oraı, Sizge, Úkimetke jáne Qazaqstan halqyna Tómen baıytylǵan ýran bankin qurý boıynsha is-qımyldy atqarýǵa keliskeni úshin alǵysymdy jetkizgim keledi. Qazaqstan kóp jyldardan beri MAGATE-niń ıadrolyq qarýdy taratpaý men atom energııasyn beıbit maqsatta paıdalaný turǵysynda qýatty seriktesi bolyp keledi. MAGATE aıasyndaǵy atalǵan bank - qıyn joba, ol kelissózder protsesi men birqatar kelisimderdi, agenttik pen Qazaqstan arasynda jumys babyndaǵy qarym-qatynastardy kamtıdy. Atap aıtqanda, osy jobaǵa basynan bastap Prezıdent Nazarbaevtyń jeke úlesi tyń serpin berdi», - dedi ıÝkııa Amano QR Prezıdentine qaratyp aıtqan sózinde.
Sonymen qatar ol Qazaqstanǵa sáıkes standarttarǵa oraı tıisti qyzmetterdi uıymdastyrǵany úshin rızashylyǵyn bildirdi.
«Men barlyq donorlarǵa, ıaǵnı AQSh, Eýropalyq Odaq, Kýveıt, BAÁ, Norvegııa, Qazaqstanǵa alǵysymdy aıtamyn. Osy jasalǵan múmkindikter atalǵan bankti qurýǵa jol ashty. Sonymen qatar Tómen baıytylǵan ýran bankine qajetti jabdyqtar tranzıti men usynystar jasaǵany úshin Reseı men Qytaıǵa yntymaqtastyq baılanystarǵa rızashylyǵymyzdy bildiremiz», - dedi Amano.
Budan buryn habarlanǵandaı, búgin Qazaqstan Respýblıkasynda Atom energııasy jónindegi halyqaralyq agenttiktiń Tómen baıytylǵan ýran banki ǵımaratyn saltanatty ashý rásiminde Elbasy Nursultan Nazarbaev Qazaqstan beıbit atom energııasyna jaýapty MAGATE-niń senimdi seriktesine aınalǵanyn atap ótti.
