MAGATE Irannan baıytylǵan ýran qory týraly aqparat berýdi talap etti

ASTANA. KAZINFORM — MAGATE basqarýshylar keńesi ıslam respýblıkasynyń bıliginen qarý jasaý deńgeıine jaqyn baıytylǵan ýran qory týraly naqty aqparat berýdi talap etken rezolıýtsııa qabyldady, dep habarlaıdy Kazinform tilshisi.

Rezolıýtsııa mátininde aıtylǵandaı, Irandaǵy baıytylǵan ýran qorlary bes aıdan astam ýaqyt boıy tekserýge qoljetimsiz bolyp otyr, bul MAGATE-niń eleýli alańdaýshylyǵyn týǵyzyp otyr.

Atom energııasy jónindegi agenttik óz rezolıýtsııasynda shabýylǵa ushyraǵan ıadrolyq nysandar, ýran qorlary týraly aqparat usynýdy jáne olarǵa qoljetimdilikti qamtamasyz etýdi talap etedi. Qujatta ıslam respýblıkasy BUU Qaýipsizdik keńesiniń sheshimderine sáıkes óz mindettemelerin oryndaýǵa tıis ekeni erekshe atap ótiledi.

Associated Press habarlaýynsha, rezolıýtsııany MAGATE basqarýshylar keńesine múshe 35 el qoldaǵan. Reseı, Qytaı jáne Nıger qarsy daýys berse, taǵy 12 el qalys qalǵan.

Buǵan deıin Tegeran birqatar elderdiń snapback tetigin iske qosýǵa talpynysyna baılanysty óziniń ıadrolyq baǵdarlamasy jónindegi kelissózderdi qaıta bastýdan bas tartqan edi.

Irannyń Syrtqy ister mınıstri Abbas Aragchı baıytylǵan ýrannyń basym bóligi áýe shabýyldary kezinde qıratylǵan ıadrolyq nysandardyń astynda qalǵanyn málimdedi.