MAGATE Iranmen ıadrolyq mámile sharttarynyń oryndalýy týraly esep berdi
ASTANA. QazAqparat - Iran ıadrolyq mámileniń barlyq talaptaryn oryndady. Bul týraly Atom energııasy jónindegi halyqaralyq agenttiktiń (MAGATE) basshysy Okııa Amanonyń uıymnyń saıynda jarııalanǵan málimdemesinpe aıtylǵan.
«Búgin men Iran Birlesken barlyǵyn qamtıtyn is-qımyl josparyn júzege asyrýǵa kóshýdiń qajetti ázirlik qadamyn aıaqtaǵanyn qýattaıtyn baıandama shyǵardym. Baıandama BUU-nyń Qaýipsizdik Keńesi men MAGATE basqarý keńesiniń qaraýyna usynyldy.
MAGATE basshysy atap ótkendeı, agenttik ınspektorlary Iran is-qımyl josparyna sáıkes barlyq sharalardy júzege asyrǵanyn qýattady. Ol sondaı-aq Tegeran MAGATE kepildikteri týraly kelisimge qosymsha hattamany qoldanýdy bastaıdy, al bul óz kezende Islam Respýblıkasynyń basqa mindettemelerimen birge MAGATE-niń Irannyń ıadrolyq saladaǵy qyzmetine baqylpaý múmkindigin kúsheıte túsetinin aıtty,
«Bul halyqaralyq qoǵamdastyq úshin mańyzdy kún. Men ony júzege asyrýǵa kómekteskenderdiń barlyǵyn, ásirese «altylyq» retinde belgili elder tobyn, Iran men MAGATE basqarý keńesin quttyqtaımyn», - dep atap ótti Amano.
14 qańtardva Irannyń atom energetıkasy uıymynyń ókili Behrýz Kamalvandı Iran Arakedegi reaktordyń belsendi aımaǵyn alyp tastaǵanyn málimdedi. Sol kúni MAGATE ınspektorlary Tegeran ıadrolyq mámile jónindegi mindettemesiniń óz bóligin qalaı saqtap otyrǵanyn tekserdi, dep habarlady lenta.ru.
2015 jylǵy shildeniń ortasynda Iran jáne halyqaralyq araaǵaıyn «altylyǵy» (AQSh, Reseı, Qytaı, Ulybrıtanııa, Frantsııa, Germanııa) Tegerannyń ıadrolyq baǵdarlamasy boıynsha ýaǵdalastyqqa qol jetkizdi. Islam Respýblıkasy Fordodaǵy zaýytty tehnologııalyq ortalyqqa aınaldyrýǵa al Arakedegi reaktordy halyqaralyq konsortsıým jobasyna sáıkes qaıta qurýǵa mindettendi, onda paıdalanylǵan otyn el sheginen tysqary shyǵarylady. Tegeran sondaı-aq ýrandy 3,67 paıyzdan joǵary baıytpaýǵa jáne 15 jyl merzimge ýran kólemin 300 kelimen shekteýge mindettendi. Iran osy mindettemelerin oryndaǵan jaǵdaıda odan sanktsııalar alynyp tastalady. Shekteý sharalary eger el mindettemelerin oryndamasa qaıtalanýy múmkin.
Halyqaralyq qoǵamdastyq Irannyń baıytylǵan ýrandy soǵys maqsattaryna paıdalaný áleýetti múmkindigine alańdaǵan bolatyn.
