MAGATE: Irandaǵy AES mańyndaǵy soqqylar ıadrolyq qaýip tóndirýi múmkin
ASTANA. KAZINFORM — Halyqaralyq atom energııasy agenttigi (MAGATE) Irandaǵy Býsher atom elektr stantsııasy mańynda bolǵan úshinshi soqqydan keıin alańdaýshylyq bildirdi, dep habarlaıdy Xinhua.
Sońǵy on kún ishinde osyndaı úshinshi oqıǵa tirkelgen. Agenttik bas dırektory Rafael Grossı reaktor zaqymdanǵan jaǵdaıda aýyr radıatsııalyq apat bolýy múmkin ekenin eskertti.
MAGATE áleýmettik jelidegi X paraqshasynda bul shabýyl týraly aqparatty Iran tarapynan alǵanyn habarlady.
IAEA informed by Iran of a new strike in the area of the Bushehr Nuclear Power Plant, the third such incident in 10 days. No damage to operating reactor nor any radiation release reported, and condition of plant is normal, Iran says.
— IAEA - International Atomic Energy Agency ⚛️ (@iaeaorg) March 27, 2026
DG @rafaelmgrossi again expresses deep… pic.twitter.com/cGIUSZJMyV
Iran bıliginiń málimetinshe, jumys istep turǵan reaktor zaqymdanbaǵan, radıatsııanyń syrtqa shyǵýy tirkelmegen, stantsııa qalypty rejımde jumys istep tur.
MAGATE basshysy ıadrolyq apat qaýpin boldyrmaý úshin barynsha sabyr saqtaýǵa shaqyrdy.
Budan buryn Irannyń eń osal ıadrolyq qondyrǵylarynyń biri — Natanzedegi otyn baıytý zaýytynyń «kirý ǵımaratyna zaqym keltirilgeni» belgili boldy.
AQSh prezıdenti Donald Tramp Iranǵa shabýyl jasaıtynyn 40 jyl buryn aıtqanyn jazǵan edik.
Sonymen qatar Tramp Iranǵa 15 tarmaqtan turatyn beıbit jospar usynǵany anyqtaldy.
