MAGATE: Iran ýrandy qaıta baıyta bastaýy múmkin

ASTANA. KAZNFORM – Iran birneshe aıdan soń-aq ýrandy baıytý isine kirisýi múmkin, dep málimdedi MAGATE basshysy. Onyń sózinshe, AQSh pen Izraıldiń soqqylary Tegerannyń ıadrolyq baǵdarlamasyna tolyqqandy nuqsan keltire almaǵan.

Bul týraly Atom energetıkasy jónindegi halyqaralyq agenttik (MAGATE) basshysy Rafael Grossı jeksenbi, 29 maýsym kúni CBS telearnasyna bergen suhbatynda aıtty, dep jazdy dw.

- Iranda energııa bar jáne ol ózderinde qaldy. Aldaǵy birneshe aıda, múmkin odan da erterek olarda aınala otyryp, baıytylǵan ýran óndiretin birneshe tsentrıfýga kaskady bolýy múmkin. Olarda bári qurydy, onda eshteń joq deýge bolmaıdy,- dedi Grossı.

-Irannyń atom baǵdarlamasyna shyǵyn keltirildi, biraq bári túgel joıylǵan joq. Olarda ónerkásip jáne tehnologııalyq qýattar bar. Sol sebepti eger qalasa, olar ony jasaýdy qaıta bastaı alady, - dep qosty uıym basshysy.

25 maýsym kúni Iran parlamenti MAGATE-men yntymaqtastyqty toqtatý týraly zańdy qabyldady.

Uıym ókilderi endi ınspektsııa júrgizý úshin elge kire almaıdy. Zań jobasyn áli Irannyń Konstıtýtsııalyq saqshylar keńesi men Qaýipsizdik keńesi maquldaýy kerek.

28 maýsym kúni memlekettik Mehr agenttigi Iran bıiligi Grossıdiń eldiń ıadrolyq nysandaryna barýyna tyıym saldy, dep habarlady.

MAGATE sonymen qatar onda beınekameralardy da ornata almaıdy.

Osyǵan deıin Tramp Irannyń ıadrolyq nysandarynyń tolyq joıylatynyn málimdegen bolatyn.

MAGATE ókilderi Izraıldiń sońǵy shabýylynan Irandaǵy ıadrolyq qondyrǵylar zaqymdalǵan joq, dep málimdedi.