MAGATE: Iran qol jetkizilgen kelisimderdi oryndap keledi
ASTANA. QazAqparat - Atom energetıkasy boıynsha halyqaralyq agenttiktiń málimdeýinshe, Iran óziniń ıadrolyq baǵdarlamasy boıynsha qarasha aıynda altylyqpen qol jetkizilgen kelisimderdi oryndap keledi.
Agenttik qujatynda atalǵan memlekette joǵary baıytylǵan ýrannyń qory sońǵy tórt jylda alǵash ret aýqymdy kólemde qysqaryp otyrǵany baıandalǵan.
Keshe Venada Iran men «altylyq» (BUU QK turaqty músheleri men Germanııa) kelissózderiniń kezekti kezeńi aıaqtaldy.
EO-nyń sheteldik ister men saıasat jónindegi joǵarǵy ókili Ketrın Eshton kelissózder óte jemisti bolǵanyn atap ótti. Onyń paıymynsha, bul baǵytta alda kóp jumystardy atqarý qajet. Osy oraıda kelissózderge qatysýshylar birqatar daýly máselelerdi aıqyndap, bul jumystardy aldaǵy ýaqytta qarastyrý kerektigin atap ótken.
Esterińizge sala keteıik, Iran jaǵy ýrandy baıytý úshin jańa tsentrıfýgalardy ornalastyrýdan bas tartyp, ózderiniń ıadrolyq nysandaryna halyqaralyq sarapshylardy kirgizýge jáne qarýǵa negizdelgen plýtonııdi óndirýge tehnıkalyq turǵyda qaýqarly ıadrolyq reaktordyń qurylysyn toqtatýǵa kelisti.
Óz kezeginde bul elge qatysty ekonomıkalyq sanktsııalar birshama jeńildetiletin bolady.
