MAGATE ınspektorlary Irannan ketti

ASTANA. KAZINFORM — 4 shilde kúni Atom energııasy jónindegi halyqaralyq agenttiktiń (MAGATE) ınspektorlar toby Irannan ketti, dep habarlaıdy Kazinform agenttigi. 

— MAGATE ınspektorlar toby búgin Irannan sátti shyǵyp, agenttiktiń Venadaǵy shtab-páterine attandy. Olar Tegeranda sońǵy áskerı qaqtyǵys kezinde bolǵan, — delingen MAGATE-niń X áleýmettik jelisindegi habarlamasynda.

Buǵan deıin Iran prezıdenti Masýd Pezeshkıan Tegeran men Atom energııasy jónindegi halyqaralyq agenttik (MAGATE) arasyndaǵy yntymaqtastyqty toqtatý týraly zańǵa qol qoıǵan bolatyn.

25 maýsymda Iran parlamentiniń depýtattary osy zań jobasynyń mátinin maquldady. Al 26 maýsymda Irannyń Konstıtýtsııa saqshylar keńesi ony bekitti.

Eske salaıyq, «Úlken jetilik» elderi Irannyń ıadrolyq baǵdarlamasyna qatysty kelissózderdi qaıta bastaýdy talap etip, Tegerandy MAGATE-men yntymaqtastyqty «shuǵyl túrde jańartýǵa» shaqyrǵan bolatyn.

Irannyń MAGATE jónindegi sheshiminen keıin munaı baǵasy 3%-ǵa ósti.