MAGATE delegatsııasy Iranǵa barýdy josparlap otyr
ASTANA. KAZINFORM — Iran Syrtqy ister mınıstriniń orynbasary Kazem Garıbabadı Atom energııasy jónindegi halyqaralyq agenttiktiń (MAGATE) tehnıkalyq delegatsııasy aldaǵy eki-úsh apta ishinde Iranǵa baratynyn aıtty, dep habarlaıdy IRNA.
Sapardyń maqsaty — Iran men Agenttik arasyndaǵy odan ári yntymaqtastyq joldaryn talqylaý.
Amerıkalyq BAQ ókilderiniń aldynda sóz sóılegen Garıbabadı Irannyń Atom energııasy uıymy Izraıl men AQSh jasady dep sanalyp otyrǵan shabýyl saldarynan eldiń ıadrolyq nysandaryna keltirilgen shyǵyndy baǵalap otyrǵanyn qosyp ótti.
Iran Syrtqy ister mınıstriniń orynbasary sondaı-aq Irannyń juma kúni úsh eýropalyq elmen kezdesýin óte mańyzdy dep atap, Eýropanyń bul úsh eliniń ókilderi osyǵan deıin Iran Syrtqy ister mınıstri Abbas Aragchımen baılanysqa shyǵyp, jaǵdaıdy retteýdiń jolyn tabýǵa múddeli ekenin bildirgenin aıtty.
Buǵan deıin Iran, Reseı jáne Qytaı Irannyń ıadrolyq baǵdarlamasy boıynsha kelissóz júrgizgenin habarlaǵan bolatynbyz.