MAGATE burynǵy Semeı synaq polıgonyna tehnıkalyq saraptama júrgizýdi josparlap otyr

Bul týraly búgin Astanada QR Syrtqy ister mınıstriniń orynbasary Qaırat Omarovpen kezdesýinen keıin jýrnalısterge MAGATE Bas dırektorynyń orynbasary, Kepildik departamentiniń basshysy Ollı Iıýha Heınonen málim etti, dep habarlaıdy QazAqparat .

«Biz Semeı polıgonyn saýyqtyrý jóninde áńgimelestik. Qazaqstan bıligi qazir osy másele boıynsha jumys istep jatyr. Biz polıgonǵa tehnıkalyq saraptama júrgizýdi josparlap otyrmyz. Men atalmysh saraptamany júrgizý jónindegi óz usynystarym jaıly aqparattardy usyndym», dedi brıfıngte Heınonen.

Onyń aıtýynsha, ázirge saraptamanyń júrgiziletin kúni týraly sheshim shyǵarylmaǵan. «Bıyl jazda Qazaqstan Úkimeti osy másele boıynsha sammıt ótkizedi. Meniń oıymsha, sheshim sodan keıin qabyldanatyn bolady», dedi ol. Sonymen qatar Heınonen MAGATE delegatsııasy Qazaqstanǵa sapary barysynda Semeı men Kýrchatovta da bolǵandaryn, burynǵy Semeı synaq polıgonynyń reaktor men paıdalanyp bolǵan otyndy saqtaý alańyn qosqandaǵy birqatar nysandarmen tanysqandaryn atap kórsetti. Onyń aıtýynsha, MAGATE delegatsııasynyń Qazaqstanǵa sapary kezinde reaktorlyq otyndy Aqtaýdan Kýrchatovqa aýystyrý jaıy sóz bolǵan.