MAGATE basshysy Úlbi metallýrgııalyq zaýyty qyzmetkerleriniń kásibı biliktiligin joǵary baǵalady
ASTANA. QazAqparat - MAGATE-niń bas dırektory ıÝkııa Amano Úlbi metallýrgııalyq zaýyty qyzmetkerleriniń kásibı biliktiligin joǵary baǵalady, dep habarlaıdy QazAqparat.
«MAGATE basqarýshylarynyń keńesi 2010 jyldyń jetoqsanynda Tómen baıytylǵan ýran bankin qurý sheshimin jasady. Onda ıadrolyq otynnyń tolyq kezeńin usynýǵa qatysty memleketterge qaýipsizdiktiń qosymsha deńgeıi eskerildi. Bul turǵyda tómen baıytylǵan ýrannyń 90 tonna qory qamtylmaq. Atap aıtqanda, bul otyndy tolyqtaı MAGATE qadaǵalaıdy jáne múshe memleketter úshin qoljetimdi bolady. Osy oraıda otyn jetkiziliminde tapshylyqtyń boldyrmaýyna múmkindik jasalyp, tómen baıytylǵan ýran kommertsııalyq nemese basqa kózderden qamtamasyz etiledi», - dedi ıÝkııa Amano Tómen baıytylǵan ýran bankin ashýǵa arnalǵan saltanatty sharada.
Sonymen qatar ol atalǵan bank ornalasqan Úlbi zaýyty qyzmetkerleriniń kásibı deńgeıine joǵary baǵa berdi.
«Úlbi metallýrgııalyq zaýyty qyzmetkerleri men basshylyǵyna kásibı biliktilikteri úshin alǵysymdy aıtamyn. MAGATE-niń sarapshylyq tobynyń sońǵy baıandamasy boıynsha ónimdi saqtaý men ınfraqurylym máselesi aıasynda jaqsy jaǵdaılar jasalǵan. Atap aıtqanda, osynda MAGATE-niń barlyq qajetti talaptary men qaýipsizdik standarttary iske asyrylǵan»,-dep túıindedi sózin ıÝkııa Amano.
Esterińizge sala keteıik, 2011 jylǵy 29 shildede Qazaqstan óz aýmaǵynda tómen baıytylǵan ýran bankin ornalastyrý nıeti týraly resmı ótinimdi halyqaralyq agenttikke jiberdi. Ótinimde qarastyrý úshin eki alań usynyldy, ıaǵnı Óskemendegi Úlbi metallýrgııalyq zaýyty jáne burynǵy Semeı synaq polıgony aýmaǵyndaǵy №5 alańy qamtyldy. 2011 jyly 29 tamyzdan 2 qyrkúıek aralyǵynda Atom energııasy jónindegi halyqaralyq agenttiktiń tehnıkalyq mıssııasy qosylǵan alańdardy qarap, Úlbi metallýrgııalyq zaýytyn tańdady. Bul 65 jyldyq tarıhy bar kásiporyn, onyń 45 jyldan astam merziminde osyndaı materıalmen jumys isteý tájirıbesi bar. 2015 jyldyń 27 sáýirinde Qazaqstan Úkimeti óz qaýlysymen elimizde MAGATE-niń Tómen baıytylǵan ýranbankin «Úlbi metallýrgııalyq zaýyty» AQ-ynda ornalastyrý týraly kelisimge qol qoıýdy maquldaǵan bolatyn. Sol jyldyń 27 tamyzynda kelisimge Qazaqstan tarapynan Erlan Ydyrysov pen MAGATE-niń bas dırektory ıÝkııa Amano qol qoıǵan edi. MAGATE tómen baıytylǵan ýran banki jobasyn júzege asyrý úshin ıAdrolyq qaýip-qaterge qarsy bastamadan 50 mln dollar, AQSh Úkimetinen 49 mln dollar, Eýropa odaǵynan 25 mln eýro (fızıkalyq qaýipsizdik júıesin jańartýǵa 5 mln eýrony qosa alǵanda), Birikken Arab Ámirlikterinen 10 mln dollar, Kýveıtten 10 mln dollar, Norvegııadan 5 mln dollar, Qazaqstannan qosymsha zattaı jarnalar, MAGATE Tómen baıytylǵan ýran bankin ustaý shyǵyndaryn qosa alǵanda 400 myń dollar jarna alǵan edi. Ótken jyldyń jeltoqsan aıynda Memleket basshysy Nursultan Nazarbaev «Qazaqstan Respýblıkasynyń Úkimeti men Atom energııasy jónindegi halyqaralyq agenttik arasyndaǵy Qazaqstan Respýblıkasynda Atom energııasy jónindegi halyqaralyq agenttiktiń Tómen baıytylǵan ýran bankin qurý týraly kelisimdi ratıfıkatsııalaý týraly» Qazaqstan Respýblıkasynyń Zańyna qol qoıdy. Úlbi metallýrgııalyq zaýyty qoımasynda MAGATE-niń 90 tonna tómen baıytylǵan ýrany saqtalatyn bolady. Qazaqstan iri ýran óndirýshi jáne joǵary baıytylǵan ýrandy tómen baıytylǵan ýran formasyna qaıta óńdeý múmkindikterine ıe bola otyryp, beıbit ıadrolyq energetıkany damytýǵa óz úlesin qosýǵa nıetti.
