MAGATE bas dırektorynyń mindetin atqarýshy taǵaıyndaldy

NUR-SULTAN. QazAqparat – Halyqaralyq atom energııasy agenttigi (MAGATE) ony 10 jyl basqarǵan ıÝkııa Amanonyń qazasyna baılanysty, bas dırektordyń mindetin atqarýshy etip Kornel Ferýtseni taǵaıyndady, dep habarlaıdy «QazAqparat» HAA agenttiktiń baspasóz qyzmetine silteme jasap.

«Bas dırektor ıÝkııa Amanonyń qazasyna baılanysty, agenttiktiń jumysyn toqtatpaý úshin Basqarýshylar keńesi Kornel Ferýtse myrzany bas dırektor laýazymyna jańa basshy kelgenge deıin bas dırektordyń mindetin atqarýshy etip taǵaıyndaýǵa qaýly qabyldady», - delingen málimdemede.

Eske sala keteıik, buǵan deıin «QazAqparat» HAA Halyqaralyq atom energııasy agenttiginiń bas dırektory ıÝkııa Amano 72 jasynda ómirden ótkenin habarlaǵan bolatyn.

Amano 2009 jyly MAGATE-niń bas dırektory laýazymyna taǵaıyndalǵan alǵashqy azııalyq boldy. Ol osy laýazymdy 2021 jylǵa deıin atqarýy tıis edi.

Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev

jáne Qazaqstan Prezıdenti Qasym-Jomart Toqaev MAGATE-niń Bas dırektory ıÝkııa Amanonyń qaıtys bolýyna baılanysty kóńil aıtý jedelhatyn joldady.