Maǵan yqpal etý ne bolmasa tuqyrtý áreketteri bolmady - Q.Jańbyrshın
ASTANA. QazAqparat - Maǵan yqpal etý ne bolmasa tuqyrtý áreketteri bolmady. Bul týraly búgin «KTK» telearnasynyń «Halyq qyzmetshisi» baǵdarlamasyna suhbat bergen Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Qozy-Kórpesh Jańbyrshın aıtty.
«Biz tekserýmen aınalysqannan keıin onyń barysynda túrli sıpattaǵy qarjylyq zań buzýshylyqtardyń anyqtalyp jatatyndyǵy túsinikti. Bul buzýshylyqtardyń qalyń buqaraǵa jarııa bolmaýyn qalaıtyn da adamdar bar. Qoǵamnyń qulaǵdar bolmaýyn, Memleket basshysynyń bilmeýin qalaıtyndar da kezdesedi. Árıne, tuqyrtý áreketter bolmaǵanymen yqpal etýge tyrysqandar kezdesti. Al, paraǵa qatysty aıtar bolsam, tikeleı usynǵan nemese tasada kelissózder júrgizdender bolmady. Biraq, tuspaldaýshylar kezdesti», - dedi komıtet tóraǵasy.
