Maǵan tıisti deńgeıde qurmet kórsetpedi degen bos sóz - ziltemirshi J. Qydyrbaev
ASTANA. QazAqparat - Álem chempıonatynan keıin meni ózgelerge qaraǵanda tıisti deńgeıde marapattamady degen jurt arasynda júrgen bos sóz.
Bul týraly búgin Ortalyq kommýnıkatsııalar qyzmetinde ótken brıfıngte aýyr atletıkadan Álem chempıony Jasulan Qydyrbaev málim etti.
«Maǵan tıisti deńgeıde qurmet kórsetpedi degen bos sóz. Bir adamnyń ekinshisine taratqan sózi dep oılaımyn. Marapat jasalyp jatyr. Jýyrda Jambyl oblysy da marapattady. Memleket tarapynan da qurmet kórsetilýde. Barlyǵyna alǵysymdy bildiremin», - dedi ol.
Esterińizge sala keteıik, Almatyda ótken aýyr atletıkadan álem chempıonatynda qossaıys qorytyndysy boıynsha 408 kelini baǵyndyrǵan Jasulan Qydyrbaev chempıon atanǵan bolatyn.
