Maǵan salmaǵy 90 keli jigitterdiń qansha tartylatyny qyzyq - Sergeı Tsyrýlnıkov Tartyl Fest-te

ASTANA. QazAqparat – Bul týrnırge tek óz salasynyń úzdikteri qatysyp jatyr. Tartyl Fest týrnıriniń grand-fınalyna arnaıy kelgen qazaqstandyq alyp kúsh ıesi Sergeı Tsyrýlnıkov osylaı málim etti, dep habarlaıdy QazAqparat tilshisi.

«Bul týrnırge óz salasynyń tek úzdikteri qatysyp jatyr. Men qandaı da bir sportshyǵa qoldaý bildirip otyrmyn dep aıta almaımyn. Ózimniń salmaǵym shamamen – 150 kg. Sondyqtan, asa aýyr salmaqtaǵy qatysýshylardy qoldaımyn. Men úshin salmaǵy 90 keli jigitterdiń qansha tartylatyny qyzyq», - dedi Sergeı Tsyrýlnıkov tikeleı efırde jarys júrgizýshisiniń suraqtaryna jaýap bere otyryp.

Ol sonymen qatar, saıystyń eń jas qatysýshysy ári jeńimpazy Mansur Ýálıevke qatysty pikir bildirdi.

«Meniń oıymsha, Qazaqstanda talantty jáne daryndy jastar óte kóp. Mansur da solardyń qatarynan. Onyń bolashaǵyna jaqsy baǵyt-baǵdar berilse, Mansur bizge Olımpıada «altynyn» ákeledi dep oılaımyn», - dep oı bólisti Sergeı Tsyrýlnıkov.

Buǵan deıin habarlaǵanymyzdaı, qazir elordadaǵy Kongress ortalyqta Tartyl Fest respýblıkalyq týrnıriniń grand-fınaly ótip jatyr. Tartysty básekeni «Jibek Joly» telearnasynyń tikeleı efıri men youtube arnasynan kórýge bolady.