Maǵan meksıkalyqtardyń emotsııasy unaıdy - Golovkın
ASTANA. QazAqparat - AQSh-tyń Los-Andjeles qalasyna jasaǵan press-týry barysynda Gennadıı Golovkın kelesi qarsylasy Saýl Alvarespen birge baspasóz máslıxatyn ótkizip, san alýan buqaralyq aqparat quraldaryna suxbat berdi, dep xabarlaıdy QazAqparat tilshisi.
Gennadıı Golovkınniń aıtýynsha, bapkeri Abel Sanches ony "meksıkalyq stılge" úıretti. Sondaı-aq, ol Meksıkadaǵy óz jankúıerlerin qatty qurmetteıdi. "Olar - fanat emes, meniń dostarym. Men olardy qatty syılaımyn. Men olardyń boksty qatty jaqsy kóretinin bilemin. Maǵan meksıkalyqtardyń energııasy, emotsııasy unaıdy. Olar - bokstyń shynaıy jankúıerleri. Sen Meksıkadan shyqtyń ba? Keńes odaǵynda týdyń ba? Oǵan qaramaıdy. Sebebi olar - naǵyz fanattar", - deıdi Golovkın.
Los-Andjeleste ótken press-týr kezinde Golovkınge qoldaý bildirip, ""Triple G!" dep aıqaılap turǵan meksıkalyqtardyń az emes ekenin baıqaýǵa bolady. Olardyń ishinde qazaqtar da bar.
