«Maǵan bul unamaıdy»: Erkebulan Seıdahmet ózin Messıge teńeıtinderge jaýap berdi
NUR-SULTAN. QazAqparat - Qazaqstan quramasy men bolgarlyq «Levsıdiń» shabýylshysy Erkebulan Seıdahmet Qazaqstan men Reseı jýrnalısteri qoıǵan «Qazaqstandyq Messı» ataýyna qalaı qaraıtynyn aıtyp berdi. Bul jaıly Sports.kz habarlaıdy.
«Men Qazaqstanda úlken juldyzbyn dep aıta almaımyn. Iá, jankúıerlerim meni jaqsy kóredi, meniń ár oıynymdy baqylap otyrady jáne meniń olarǵa degen alǵysym sheksiz. Meniń týǵan elimde «Levsı» jáne men jaıly kóp jazylady, maǵan bul unaıdy. Al meniń «Qazaqstandyq Messı» ataýyma kelsek, ony jankúıerlerim emes, BAQ oılap tapty. Olar bir joly maǵan sondaı aıdar taqty, sol kúıi qalyp qoıdy. Alaıda, men Messı emespin, men Erkebulan Seıdahmetpin. Maǵan bul teńeý unamaıdy», - dedi fýtbolshy Diema Sport-qa bergen suhbatynda.
