«Magadjan» bógetiniń qıraýy: kináli dep tanylǵan sheneýnik raqymshylyqqa ilikti

AQTÓBE. KAZINFORM – Sý tasqyny kezinde Hromtaý aýdany ákimi apparatynyń ınspektory qyzmetin atqarǵan Amanǵos Álmuhanov raqymshylyq iligip ketti. Ol sotta isi qaralǵan kezde aýdan ákimi apparatynyń bas mamany qyzmetin atqaryp júrdi.

2024 jylǵy sý tasqyny kezinde aýdan ákimi apparatynda ınspektor bolyp, tótenshe jaǵdaılarǵa jaýap bergen Amanǵos Álmuhanovqa taıaýda sot úkimi shyqty. Qylmystyq kodekstiń «Salǵyrttyq» baby boıynsha aıypty dep tanylǵan sottalýshy 1 jyl 6 aıǵa bas bostandyǵynan shekteldi. Ári memlekettik qyzmette jumys isteý quqyǵynan 2 jylǵa aıyryldy.

Sot otyrysynda Amanǵos Álmuhanov ózine taǵylǵan aıypty moıyndamady. Bógetti qaraý úshin Tabantal aýylyna barǵanymen, sholyp qana qarap shyqqanyn, gıdrotehnıkanyń jaıyn baǵamdaıtyn bilimi joq ekenin aıtty.

Sot «QR Konstıtýtsııasynyń 30 jyldyǵyna oraı raqymshylyq jasaý týraly» Zańyna súıenip, sottalýshyny jazadan bosatty. 

Eske salsaq, bóget buzylǵan kezde Alǵa aýdanynyń eldimekenderi men Elek jáne Qarǵaly ózenderiniń mańyndaǵy baý-baqsha ujymdary sý astynda qaldy. 215 adam, onyń ishinde 96 bala qaýipsizdik jerge jetkizildi. Keltirilgen shyǵyn 211 mln teńgeden asty.