Magadanda jolaýshylar ushaǵy avtomobılmen soqtyǵysty
ASTANA. QazAqparat - Magadan áýejaıynda «Avrora» avıakompanııasynyń jolaýshylar ushaǵy júk tasıtyn avtomobılmen soqtyǵysyp búlindi, dep habarlady ITAR-TASS.
Osy oqıǵaǵa baılanysty Magadan-Habarov-Vladıvostok reısi alynyp tastaldy, dep habarlady avıakompanııanyń ókili.
«Jerústi qyzmetin kórsetý ústinde júk mashınasy Airbus A319 ushaǵymen soqtyǵysty, onyń saldarynan áýe kemesiniń germatıkasyna nuqsan keldi. Apat saldarynan 31 tamyzda Magadan-Habarov-Vladıvostok reısi toqtatyldy», - dep habarlady suhbattasýshy.
Derekkózdiń málimetine qaraǵanda, jolaýshylar (61 adam) qonaqúılerge ornalastyrylyp, ystyq taǵammen qamtamasyz etilgen. Taıaýdaǵy ýaqytta olar baratyn jerlerine attanady.
Magadan áýejaıynda oqıǵanyń mán-jaıy men sebepterin tekseretin arnaıy komıssııa quryldy.
