Madýroǵa túrmedegi amerıkalyqtardy azaptady degen jańa aıyp taǵylmaq
ASTANA. KAZINFORM — AQSh federal prokýrorlary Venesýelanyń burynǵy prezıdenti Nıkolas Madýro men onyń áıeli Sılııa Floreske Venesýela túrmelerinde amerıkalyqtardy azaptady degen bappen jańa aıyptar taǵady, dep habarlaıdy Kazinform agenttiginiń Vashıngtondaǵy menshikti tilshisi CBS News arnasyna silteme jasap.
Madýro tusynda Venesýela úkimeti zańsyz ustaǵan onnan astam AQSh azamatyn azaptady degen bappen taǵy birneshe adamǵa da aıyptar taǵylýy múmkin.
Mamyr aıynda CBS News Maıamıdiń federal prokýrorlaryna Madýroǵa qarsy jańa qylmystyq tergeý bastaý týraly buıryq kelip túsken, oǵan sebep qazirgi sot isi jetkilikti deńgeıde tıimdi bolmaýy múmkin.
Buǵan deıin bes adamnyń ólimine qatysty da Madýronyń ústinen talap-aryz túsken.
Flores beısenbi kúni Nıý-Iorktiń Ońtústik okrýginiń federaldy sotynda kepildik boıynsha tyńdaýǵa qatysýy kerek.
Venesýelanyń bılikten shettetilgen prezıdenti Nıkolas Madýro men onyń áıeli Sılııa Florestiń soty 2027 jyldyń 1 maýsymynda bastalady.
