Madýro qamaýǵa alynǵanda kıgen sporttyq kostıým lezde álemdik trendke aınaldy
ASTANA. KAZINFORM — Venesýelanyń burynǵy basshysy Nıkolas Madýro qamaýǵa alynǵan sátte kıgen Nike Tech Fleece sporttyq kostıými jahandyq sán trendine aınaldy. Onyń ustalǵannan keıin jarııalanǵan fotosýreti áleýmettik jelilerde keńinen tarap, Nike ónimderine degen suranystyń kúrt artýyna sebep bolǵan. Bul týraly Euronews jazdy.
Kompanııa málimetinshe, Nike Tech Fleece sporttyq kostıýminiń eń suranysqa ıe ólshemderi birneshe kúnniń ishinde tolyq satylyp ketken. Ásirese Heather Grey tústi úlgisine qyzyǵýshylyq aıtarlyqtaı artqan.
Suranystyń ósýine AQSh prezıdenti Donald Tramp Madýro qamaýǵa alynǵannan keıin jarııalaǵan fotosýret túrtki boldy.
Nicolas Maduro on board the USS Iwo Jima. pic.twitter.com/omF2UpDJhA
— The White House (@WhiteHouse) January 3, 2026
Kóp uzamaı áleýmettik jelilerde Just Coup It jáne Steal the Look sekildi memder keńinen tarady. Keıbir blogerler Madýronyń syrtqy kelbetin Nike úshin «sátti prodakt-pleısment» jáne «tegin marketıng» dep atady.
Google Trends derekterine sáıkes, Nike Tech sózi boıynsha izdeý suranystary 4 qańtar kúni sharyqtaý shegine jetken. Al PeakMetrics analıtıkalyq tobynyń málimetinshe, 3-5 qańtar aralyǵynda bul brend X platformasynda kúnine 5 myńnan astam jazbada atalǵan. Salystyrý úshin alsaq, ótken jyldyń qarasha-jeltoqsan aılarynda ortasha kórsetkish táýligine 325 jazbany ǵana quraǵan.
Nike Tech Fleece. For the gym. For errands. For federal custody. pic.twitter.com/3En2ygakKF
— Ashley Ha (@ashleybchae) January 4, 2026
Nike kompanııasy jaǵdaıǵa qatysty resmı pikir bildirmedi. Alaıda saıtynda satyp alýshylarǵa taýar qaıta satylymǵa shyqqan jaǵdaıda habarlama alý úshin derekterin qaldyrý múmkindigi usynylǵan. Pikir qaldyrǵan tutynýshylar sporttyq kostıýmniń yńǵaılylyǵyn, ásirese áýe saparlary kezinde qolaıly ekenin ázilmen jetkizgen.
Eske sala ketsek,
