Madrıdtiń ortalyǵynda ǵımarat opyrylyp tústi

ASTANA. KAZINFORM — Qutqarýshylar úıindilerdiń astynan izdeý jumystaryn jalǵastyryp jatyr, dep habarlaıdy VVS. 

Eki adam iz-túzsiz joǵalyp ketti, dep habarlaıdy AFP Madrıd meri Hose Lýıs Martınes-Almeıdaǵa silteme jasap.

Madrıdtiń týrıstik ortalyǵyndaǵy Plasa-Maıor alańyna jaqyn jerde jóndeý jumystary júrgizilip jatqan ǵımarat seısenbi kúni tús ortasynda opyrylyp tústi. Madrıd merııasynyń habarlaýynsha, kem degende úsh adam jaraqat alǵan. 

Merııa saıtyndaǵy málimetke sáıkes, buryn keńse retinde paıdalanylǵan alty qabatty ǵımarat qonaqúıge aınaldyrylyp jatqan.

Qyrkúıekte Madrıdte bardaǵy jarylystan keminde 14 adam zardap shekkenin jazǵan bolatynbyz.