Madrıdtiń «Realy» qarsylastarynyń qaqpasyna dopty qarsha boratty
ASTANA. QazAqparat - Ispanııa chempıonatynyń 29 týrynda Madrıdtiń «Realy» qarsylastarynyń qaqpasyna dopty qarsha boratty, oıynnyń qorytyndy nátıjesinde koroldik klýb oıynshylary «Granada» komandasyn 9:1 esebimen jeńdi.
Birinshi kezeńniń 25 mınýtyna deıin «Granada» komandasy «Realmen» teń oınap jatty. Sodan keıin qaqpasyna dop jaýyp ketti. Áýeli Garet Beıl esep ashty. Odan keıin Ronaldý 8 mınýttyń ishinde qatarynan úsh dop soqty.
Bul kúni áıgili fýtbolshy Krıshtıaný Ronaldýdyń baǵy janǵan kún boldy. Ol bes doptyń avtory atandy.
Osy týrdyń oıynyna deıin ol 31 dop soǵyp, «Barselona» komandasynyń sur mergeni Lıonel Messıden bir dopqa qalyp kele jatqan edi. Endi 36 gol soqqan Ronaldý Ispanııa chempıonatynda jeke dara kósh bastady.
Osy kúni «Barselona» «Selta» komandasyna baryp oınap, qarsylastaryn jalǵyz goldyń arqasynda jeńdi. «Barselonaǵa» qajetti úsh upaı alyp bergen oıynshy Jeremı Mate bolatyn.
29 oıynnan keıin «Barselona» 71 upaımen birinshi orynda tur. Odan «Realdyń» tórt upaıy kem. Úshinshi orynda 62 upaı jınaǵan «Atletıko» komandasy keledi.
