Madrıdtik «Real» ÝEFA Sýperkýbogyn enshiledi
ASTANA. QazAqparat - Madrıdtik «Real» qosymsha ýaqytta «Sevıldi» utyp, ÝEFA Sýperkýbogynyń ıegeri atandy. Bul týraly «Lenta.rý» habarlady.
Kezdesý 9 tamyzda norvegııalyq Tronheım qalasynda «Lekrental» stadıonyndva ótti, negizgi jáne qosymsha ýaqyt 2:2 esebimen teń aıaqtaldy. Matchtyń 21-shi mınýtynda Marko Asensıo madrıdtikterdi alǵa shyǵardy. Birinshi taımnyń sońyna deıin tórt mınýt qalǵanda Franko Vaskes tepe-teńdikti qalpyna keltirdi. 72-shi mınýtta ýkraındyq «Sevıl» shabýylshysy Evgenıı Konoplıanka penaltı soqty. Sońǵy mınýtta Serhıo Ramos komandasyn jeńilisten qutqardy.
Overtaımnyń basynda qorǵaýshy Tımote Kolodzeıchak oıyn alańynan shyǵaryldy, al 119-mınýtta «Koroldik klýbqa» Danıel Karvahaldyń dál soqqysy jeńis áperdi.
«Real» tarıhta úshinshi ret ÝEFA Sýperkýbogyn ıelendi. «Sevıl» úshinshi jyl qatarynan kýbokqa qol jetkize almady.
