Madrıdte jazýshy Fransısko Aıala qaıtys boldy
ASTANA. Qarashanyń 4-i. QazAqparat - Madrıdte 103 jasynda ıspanııalyq jazýshy Fransısko Aıala (Francisco Ayala) qaıtys boldy, dep habarlaıdy QazAqparat Agence France-Presse saıtyna silteme jasap.
Aıala Granadada týǵan, quqyq, fılosofııa jáne ádebıetten bilim alý úshin 18 jasynda Madrıdke keledi. Azamat soǵysynyń aıaǵynda ol Ispanııadan emıgratsııalanady jáne Ońtústik Amerıka men AQSh-ta birneshe ýnıversıtetterde jumys isteıdi.
Aıala 1976 jyly oqytýshylyq qyzmetti qoıyp, turaqty turý úshin Ispanııaǵa keledi jáne ómirin tolyqtaı ádebıet pen pýblıtsıstıkaǵa arnaıdy.
Aıalanyń prozalyq shyǵarmalarynyń ishinde «Tań qalarlyq» (El hechizado, 1944), «Staqannyń túbi» (El fondo del vaso, 1962) romandary, áńgimeler jınaqtary, «Este qalǵan oqıǵalar kitaby» (Recuerdos y olvidos, 1982-1983) memýary keńinen tanymal. Sonymen qatar, ol ádebı aýdarmalardyń, áleýmettaný jáne aýdarma teorııasy boıynsha jumystardyń avtory bolyp tabylady.
Aıala 1991 jyly - Servantes syılyǵyn, al 1998 jyly Astýrııa hanzadasynyń ádebıet syılyǵyn aldy.
