Madrıdte jappaı maska taǵý mindetteldi
NUR-SULTAN. ÝKRINFORM – QazAqparat – Madrıdte seısenbi kúni koronavırýs epıdemııasymen kúrestiń jańa sharalaryn engizetinin málimdedi, dep habarlaıdy QazAqparat Ýkrınform agenttigine silteme jasap.
Avtonomdy qaýym prezıdenti Izabel Dıas Aıýso óńirde jappaı maska taǵý erejesi engiziletinin habarlady. Sonymen qatar buryn tolyq jumys isteýge ruqsat etilgen meıramhana men terrassalardyń jumysyna shekteý qoıyldy, 10 adamnan kóp jınalýǵa tyıym salyndy.
Koronavırýs qalanyń meıramhana men túngi klýbtarynda tarap jatqandyqtan jańa shekteý erejeleri engiziledi.
Jaqynda polıtsııa karantın tártibin saqtaý sapasyn tekserý kezinde osyndaı klýbtardyń birin japty. Quqyq qorǵaýshylar maskasyz otyrǵan júzge jýyq demalýshyny anyqtaǵan.
Worldometer málimeti boıynsha, álemde 16 659 409 koronavırýs juqtyrý oqıǵasy tirkelgen. Olardyń 656 853 qaıtys bolsa, 10 253 211 adam jazylyp shyqty.
