Madrıdte jańa karantındik shekteý sharalary engizildi

MADRID. QazAqparat – Madrıd qalasyndaǵy turǵyndarǵa jańa karantındik shekteýler engizildi. Buǵan Ispanııanyń Covid-19 ınfektsııasynyń ekinshi kúrdeli tolqymen kúres sharalary sebep bolyp otyr, dep habarlaıdy QazAqparat BBC agenttigine silteme jasap.

Osy demalys kúnderinen bastap el turǵyndary óz aýdandarynan tek mańyzdy saparlar úshin ǵana shyǵa alady.

Eldegi barlar men meıramhanalar saǵat 22:00-den keıin jumys istemeıdi. Bul sharalardy Ispanııanyń federaldyq úkimeti talap etken. Ol sondaı-aq el astanasynyń toǵyz qalasynda osyndaı sharalar engizýdi talap etýde.

Shekteýlerdiń engizilýine Madrıd qalasynyń bıligi qarsy shyqqan. Tipti, shekteýlerdiń engizilýine jol bermeý úshin sotqa júgingen. Madrıd qalasynyń Ádilet mınıstri bul el astanasyn ekonomıkasyna 8 mıllıard eýro shyǵynǵa batyratynyn málimdedi.

Eske sala ketsek, Ispanııa úkimeti Madrıd pen onyń mańyndaǵy toǵyz qalanyń jergilikti bıligine 48 saǵatqa karantındik sharalar engizýdi tapsyrdy. Ispanııada Covid-19 aýrýyna shaldyqqandar sany artýda. Sońǵy eki aptada elde 133 myńnan astam adam koronavırýs juqtyrǵan. Olardyń úshten biri el astanasynan. Engizilgen jańa sharalar boıynsha, atalǵan qala turǵyndary aýdandar arasyna qatynaı almaıdy. Tek jumysqa, oqý oryndaryna, sondaı-aq dárigerge nemese jaqyndaryna qajettilik bolǵan jaǵdaıda ǵana ruqsat etilgen. 6 adamnan artyq toptasyp júrýge tyıym salynǵan.