Madrıdte Muqaǵalı Maqataevtyń 80 jyldyq mereıtoıyna arnalǵan shara ótti
ASTANA. 8 aqpan. QazAqparat - Qazaqstan Elshiligi aqyn Muqaǵalı Maqataevtyń 80 jyldyq mereıtoıyna oraı Madrıd kalasynda «Muqaǵalı oqýlary» sharasyn ótkizdi.
Bul týraly QazAqparatqa elshiliktiń baspasóz qyzmetinen habarlady.
Atalǵan is-sharaǵa Ispanııadaǵy qazaq dıasporasynyń ókilderi, Ispanııanyń kóptegen qalalarynda oqyp jatqan qazaqstandyq stýdentter men muǵalimder, oǵan qosa elshilik qyzmetkerleri men olardyń otbasy músheleri qatysty.
Qazaqstan Respýblıkasynyń elshisi Erǵalı Bólegenov óz sózinde aqynnyń ómirbaıanyna, onyń shyǵarmalaryna qysqasha toqtalyp ótti. Jınalǵan qaýym da M.Maqataevtyń kóptegen óleńderin, poemalaryn mánerlep oqyp berdi, onyń óleńderine jazylǵan ánderdi oryndady. Uly aqynǵa arnalǵan Qazaqstannyń basqa da aqyndarynyń shyǵarmalarynan úzindiler oqyldy.
Sonymen birge, shara sheńberinde qatysýshylardyń nazaryna M.Maqataevqa arnalǵan kórme uıymdastyrylyp, beınematerıaldar kórsetildi.
