Madrıdte myńdaǵan adam demonstratsııaǵa shyqty

ASTANA. KAZINFORM – Madrıd ortalyǵynda myńdaǵan adam Ispanııanyń is basyndaǵy úkimetiniń otstavkaǵa shyǵýyn talap etip, manıfestatsııa uıymdastyrdy, dep habarlaıdy Euronews.

Mıtıngti uıymdastyrýshy Halyq partııasy shuǵyl túrde kezekten tys saılaý uıymdastyrýǵa shaqyrdy.

Olar 100 myńnan astam adam jınap úlgergenin aıtty. Al úkimettiń baǵalaý kózderi budan eki ese kem.

Oppozıtsııa ókilderiniń óz jaqtastaryn kóshege shyǵýǵa shaqyrýyna bılik basyndaǵy Sotsıalıstik partııanyń burynǵy ókiliniń áńgimesiniń jazbasy sebep bolǵan. Onda partııanyń burynǵy ókili bıznesmenderge polıtsııanyń aqparatyn jetkize otyryp, tıimdi mámile jasaýǵa bolatyny týraly máseleni talqylaǵan.

Oppozıtsıonerler sotsıalısterdiń esine katalonııalyq separatıstermen jasalǵan amnıstııa týraly kelisimdi de eske saldy. Halyq partııasy bul másele boıynsha birneshe márte narazylyq bildirgen bolatyn.

Osyǵan deıin Ispanııanyń 50 qalasynda turǵyn úı daǵdarysyna qarsy demonstratsııalar ótkeni týraly jazǵan edik.