Madrıdte quny €30 mln quraıtyn Frensıs Bekonnyń kartınalary urlandy
ASTANA. QazAqparat - 1992 jyly qaıtys bolǵan belgili ekspressıonıst sýretshi Frensıs Bekonnyń bes shyǵarmasyn jeke úıden urlap ketti. Bul úı Madrıdtiń qaq ortasynda ornalasqan. Bul jaıly El Pais jazdy.
Basylymnyń aqparatynsha, iri urlyq ótken jyldyń jazynda oryn alǵan. Alaıda kartınalardyń ıeleri de, polıtsııa da bul týraly esh aqparat taratpaǵan.
Óner týyndylary urlanǵan jeke qurylym Madrıdtiń qaýipsiz aýdanynda ornalasqan. Buǵan qaramastan, tonaýshylar úıge kirip, dabylqaqqyshty sóndirip, kartınalardy jymqyryp ketken. Óner týyndylarynyń quny shamamen €30 mln qurady. Bul qymbat sýretter belgili sýretshiniń dosyna tıesili bolǵan.
Atap ótý kerek, sýretshiniń kartınalary joǵary baǵalanady. Aǵylshyndyq realıst Frensıs Bekon ótken ǵasyrdyń tanymal sheberleriniń biri.
